Hetiang a nih avang hian he hri a darh zel loh nan Dr. H.Vanlalrawna, District A.H & Vety. Officer Serchhip chuan The Prevention & Control of Infectious and Contagious Disease in Animal Act 2009, Section 3 (b) in thuneihna a pek angin N. Vanlaiphai leh Keitum Khua, Serchhip District chu vawiin June ni 18, 2024 atanga thu leh awm hma chu Vawk hri lenna hmun "INFECTED AREA " a ni tih a puang. 

Infected Area chhungah hian hengte hi zawm ngei tur a ni:

N. Vanlaiphai leh Keitum khua atanga vawk, vawksa leh vawksa atanga thil siam reng reng lakchhuah emaw lak luh khap tlat a ni.

Vawk thi reng reng paih mai lovin, chinai /Disinfectant nen thuk taka phum ngei tur a ni. 

Vawk talh leh vawksa zawrh khap tlat a ni. 

Vawk thi an awmin A.H & Vety Department Official te hnenah hriattir vat thin tur a ni.

Thudawn danin N.Vanlaiphai ah hian ASF vanga vawk thite hi 80 bawr vel niin, vawiin khan vawk 15 vel hri avang hian an thi a, a phumna tur N.Vanlaiphai VC hmalaknaa ruahmanin phum thin a ni.